Maayo gani kay wala ta maabti aning demonyong methampetamine hydrochloride nga mao'y nakaguba sa daghang kaugmaon. "Shabu" ang ngalan ini karon, gidanggaan pud ug "poor man's coccaine" kay barato ra. Pero grabe, daghan na kaayo ang krimen nga makapakitbi sa atay ang nahitabo gumikan ani.
Niadtong panahon nato, ang nihawod cough syrup sama pananglit sa "ornacol" ug "ornex". Ubanan ra ni ug yarok sa royal tru-orange. Diha na pud ang cannabis sativa o marijuana nga ang tawag niadto "hit-hit" ug "habak". Food trip or laughing trip ang sangpotan para sa uban. Common nga epekto sa paghabak nga ang panan-aw morag buak tanan or "basag" (as in "Basag kaayo ka parts!").
S'yempre ang pares aning mga trip kadtong mga kanta sa Led Zeppelin ("Stairway to Heaven" ug "Moby Dick") Aerosmith, Grand Funk Railroad, Juan De La Cruz Band ("Himig Natin" ug "Rock n Roll sa Ulan"), Maria Capra
("Kumusta Mga Kaibigan") ug daghan pang mga acid rock. Wala pa man ang FM radio niadto unya ang AM pud dili man motugtog aning mga kantaha. Dili pud dagway bagay si "Everdearest Manong Mar" sa DYRM o DJ Glenda Descuatan sa DYSR aning mga kantaha. Mao nga ug rakista gyud ka kinahanglang naa kay mga long playing albums o mga 45 records. Da bes ni paminawon sa quadrosonic nga stereo. Ug ikaw laagan, ang imong version sa ipod karon mao ang good old cassette tape player. Magbalon lang ka ug daghang cassette tapes. Katong mga uban nga way budget para aning mga binuhata mantenir ra ug "padrax." Kami, igo ra sa katsubong, solb na. (Organic matud pa.)
Asa na kaha to ato klasmet nga maoy master rocker nato, si Jerome Billones? Na pastor na ba pud kaha to pareho ni Giovanni...
Peace mga pare.
No comments:
Post a Comment