Nagkita-kita na pud ang mga banggiitan. March 11, 2008, SM Megamall, pag-ingon ni Milavida Dorado nga moabot siya sa Manila gikan Dumaguete, wala'y ukon-ukon tagbo dayon si Temyong sa airport. Pastilan pagka-labs gayud sa atong Admin niining iyang silingan sa Sibulan, nga sige ra nilang haranahon ni Rommel Tan niadtong mga panahon nga sikat pa ang bayle. Pag-text pud ka Joel Dayao, wala gihapo'y ukon-ukon nga miagda ug panihapon sa Megamall (pero wise ning bataa kay gipili niya SM Megamall kay naa man didto iyang computer software ug book shop, ang "Macromind".) Gidala pud ni Joel iya kamagulangan nga si Michael Vincent (passport niya para tugotan ni Mrs. nga molaag). First year college na diay ning akong kinugos sa bunyag nga guapo boy kaayo (maayo na lang kay niliwat ni Mrs. Dayao.) Niabot pud si Ms. Bebedel Fabe, igsoon ni Joji, nga ig-agaw ni Mila. Si Bebedel ang valedictorian sa ilang batch two years lower sa ato, karon high officer sa Asian Development Bank.
Pwerte namong istorya ilabi na kabahin sa mga sikreto ni ....(oops, censored).... niadtong mga nanlabay nga kagahapon ug naunsa na ang atong pagkakaron. Ang mga wala didto, mao'y gitsismisan, unsa pa man diay! Info lang mga guys, Mila is very much available, tan-awa unsa ka seksiha gihapon sa picture. Maayo pa gyud mogalam kay nurse kaayo. Adto lang unya mo pangharana ug pamisita niya sa Texas, USA.
Kami maoy pinakakataposan nga customer nga migawas sa restaurant kay sige ra mi gatabi, nakalimtan ang oras. Sa sunod wala nay pakalit ug abiso para daghang makatambong sa panagkita... (Thanks to Mila for uploading and posting the pictures.)
Kini mao'y picture! Mila Dorado, sexy yummy sandwich sa mga matinee idols.
Magkumpare sa mga maayong binuhatan (ug sa ginagmay nga mga binugoy) Joel Dayao ug Tim Calumpong. Sa mga hinapay ra daugon, parts.
No comments:
Post a Comment