WELCOME BATCHMATES AND FRIENDS

"Nagkagulang, nagkahalang!"

Kita ba gipasabtan ana? O dili ba nagkagulang ra ta unya dili ta makaapas aning panahon karon, ilabi na niining nanghawod na ang mga computer ug internet? Sa lakbit pagkasulti, wala na ta? As in, moduga pay unas nato? NOooo way, dili gyud ta mosugot nga wala na 'ta magkahalang ha. Banggiitan baya pud ta, seksi pa gyud (niadtong high skul pa ba.) Unsaon? Diri ta sa atong luna niining internet, "blog" man kuno diay ni. (Sounds like bulog, noh.)

Dugay na gud ta nga wala magkahibalag. Ang mga tipaka sa kagahapon mao na lang ang nagpabilin niining atong panumduman... Dinhi ta mobasa ug motampo bisag unsa, sulat, hulagway, kaagi, bahakhak, tigmo, alagukoy... Ang ulat sa kusi ni Mrs. Jayme, ipakita; ang tinagalog nga nakat-unan gikan ni Mrs. Daliong, ipaambit; hasta ang muscle nga nadevelop sa P.E. class ni Mrs. Jucom, i-display.

Sampol lang ug naunsa na ang atong mga klasmeyts. Nahibalo ba ka nga si Manolito Gatchalian mas taas pa nimo karon? Ug si Irene Vergara, konsehal sa barangay sa Pasay City, si Marcela Grampon, nahimong No.1 councilor sa Sibulan, si Giovanni Lasola, hapit na mapastor? Si Ruel Quisel, na adto mo patambal kaniya kay doktor na to. Ang uban... aw, ibalita lang unya ug naunsa na kaha ang atong mga klasmeyt. Ang sigurado ko nga daghan sa atong mga boys nga napreso... guwardyado sa mga misis, sama nila Arnel Francisco, Joelito Dayao ug Carlito Chiu. Si Agustin "Tingi" Gargar man gani, bisag tua sa Dubai, aw... otrong di makaporma basta mo chat na si misis. Ang atong mga guapang muses nga si Orlene Ramirez ug Joji Fabe (nga First Lady sa Sibulan) naa sa akong friendster. (Ayaw ko pangutan-a ug unsa ang friendster ha, kay kataw-an mo sa inyong mga anak.)

Hala sige salmot na. Let us rock the younger generation and show them who we are...
Kinsa ang Sunod nga Pista Pangimbitar Lang... hehe...

March 16, 2008

Para sa Mga Brods, Lami ra Gyud Ning Magbinut-an Ta

Sa tanang mga Kaanib sa UHAW* Fraternity

Mga brods, Kining atong pagkasulundon nga bana, angay gayud nga ikapasigarbo. Tan-awa, naa diay study didto sa U.S. nga mga malipayon ang mga banang motabang sa panimalay. (Nahipatik ni sa Inquirer, March 10, 2008, frontpage pa.) Sorry na lang niadtong mga maldito ug dili matinabangon, small time ra mo namo. Mas daghan mi ug rewards ninyo. Hehe...

_________________

* UHAW - Union of Husbands Afraid of Wives.
(Dili ni HS Fraternity. Pero daghang na miyembro ani pagkagradweyt na nato.)

Labels:

0 comments:

Post a Comment

Subscribe to: Post Comments (Atom)