Yehey Welcome, Evangeline Pepico-Odeyemi!

"Mga Ga, Ra, Dear, Ging, Honeydear, nia na usab ang inyong higala sa kahanginan si Manong Mar nga nagsibya niining radyo DYRM dinhi sa dakbayan sa Dumaguete. Pagtimba na ug kahoy, pagbugha na ug tubig... kay nia na niabot ang atong klasmeyt nga sekret agent sa amerika... si Evangeline "Femi" Pepico."

Vangie, kaila kaayo mi nimo, ma'am.

Atong gipatapot diri ang iyang email para naa gyud ebidensya. Kamo na la'y tugkad ug unsa ang iyang gipangyamyam diha kay iningles na. Kaila ni silang Venus Yongco nga mao ang atong majorette sa NOHS band atong first year. Pero ang dako gyud ug katawa ani mao si Joel Dayao nga nalipayan kay naay information nga gihatag si Evangeline kabahin sa iyang expalalab nga si ... hehe... basa lang diha mga, boss.

---------------------------------------------------------------------

"Hi Tim! How are you? I am not so sure if you can remember me. We were in the same freshman class at NOHS and the glee club until our senior year. My name is Evangeline Pepico. I was also with the band playing the drum. I just happen to stumble into the site that you have started. That was very nice of you trying to bring everybody together."

"I left Dumaguete almost 26 years ago. I went to Northwestern U and completed 2 BS degrees and a masters. I should have proceeded to law school instead of graduate school. Anyway, no regrets. I still have accomplished my goals in life. I am currently here in Los Angeles. Prior to that I was in Houston, Louisiana, and North Carolina."

"Well, I have heard a lot about you from other classmates. You are a big time attorney now...... That is great! I work with attorneys all the time on job as a federal agent."

"Anyways, when is the next reunion? I would love to come home. I still have families in Daro. By the way, do you remember Amabelle? I later found out through my Mom that she is my cousin. She always visit my parents in Houston. She currently lives in San Antonio, Texas."

Email: Odeyemi@att.net

Congratulations Mayor Marcella!

Wala na'y makapugong pa. Mayor na g'yud atong klasmeyt sa lungsod sa Sibulan, Negros Oriental. Ang atong klasmeyt nga konsehal sa dugay nga panahon ang nakadughit sa pinakataas nga posisyon sa lungsod niadtong niaging piniliay. Giunsa kaha to niya? Sigurado nga ang pagkakugihan niya ug ang dako niyang pagsalig sa Diyos mao ang nituboy kaniya. Congratulations, Mayor Marcella Grampon-Bartoces. We are so proud of you.

Welcome Beth Abrio!

Hello Beth, Welcome ka kaayo diri sa atong blog. Naa man diay ka Manila. Magkita ta kay ubay ubay baya pud ta diri sa Manila. Sayang wala ka makauban sa atong Reunion last May 15, 2010. Tua ang pictures sa atong site sa facebook. Pahimo kuno diha sa imong anak ug account nimo sa facebook. Tua pud didto ang atong mga classmates nga puro kahibalong mo-chat. Just search NOHS-Batch79. Basa-basa lang 'sa, sa mga articles diri. (Thanks to your bro, who wrote about you in the Comments section of this blog.)

Welcome Amalia Obligado!

High School	Karon

Dia pa'y laing nasakpan nga nagpahipi ra diri sa Manila. Usa sa mga matahom nga mga angeles nga daghang layhan mosikop apan wala'y makaduol. Ang uban moingon nga snob siya pero wala lang sila kahibalo nga Ms. Tubod, Dumaguete ni siya. He he, welcome diri sa atong blog, Ming.

Welcome Raquel Panuela!

Kinsa pa man diay lain? Si Raquel ang katunga sa Panuela twins, nag-comment siya dinhi pero wala magbilin ug email address; nagpahibalo nga motambong ang iyang twin bro nga Ariel sa atong reunion-dalang pamista.

Paki-email kuno sa imong bulubag-ong hulagway diha ma'am Raquel kay ang dia namo kato pang diha mo sa Pepsi katong gatapad mo ni Tina Turner. Email sa timcalumpong@gmail.com or pwede pud mag-abri ka ug account sa Facebook kay tua ta didto; i-search lang ang NOHS Batch 79 sa facebook.

Welcome Cecilia Violeta

High School	Karon

Let's welcome our long lost batchmate, Cecilia Violeta now Miller. Tua na ni 'ron nanimuyo sa Los Angeles, California, U.S.A. Nasakpan ni sa Facebook. (Ingna kuno inyo mga anak nga i-update ang inyong Facebook, ha.)

Tan-awa di' ba gwapa ra gihapon. Mopauli ki siya sa atong reunion karong petsa 15 sa Mayo. Mao nga ato g'yud nga dugokan ang atong panagtipon kay atong hangpon 'ni si Cecille.

Facebook : http://www.facebook.com/profile.php?id=769679554&ref=mf

Marcela Grampon 4 Mayor!

Dili unta nako butangan ug politika kining atong blog pero ato pud kini nga ibandilyo kay dili baya sayon ang gitaak pagka-karon niining atong batchmate. Si Marcela Grampon-Bartoces nga wala kaayo mailhi niadtong high school pa 'ta, mopalawig na sa dagat sa politika. Siya ang natuboy sa iyang partido sa pagka-mayor sa lungsod sa Sibulan. Dili tanan gihatagan ug higayon nga mosalmot sa ingon niining kalihokan ug dili tanan adunay lig-on nga dugokan aron molahutay niining bugnong lugaynon.

Sa three terms, consistent si Marcela sa pagka-No. 1 nga konsehal sa Sibulan. Maingon nato nga hinog na siya para sa pinakataas nga posisyon sa maong lungsod. Ug madayon, siya na sa atong tanang batchmate ang nakakab-ot sa pinakataas nga ranggo sa gobyerno pinaagi sa piniliay. Mao nga dako natong garbo kay siya usa kanato: si Marcela Grampon-Bartoces, pagka-mayor sa Lungsod sa Sibulan karong ika-10 sa Mayo 2010.

Mars, sa imong pagpakli sa bag-ong panid niining kinabuhi, hinaut giyahan ka kanunay sa atong Labaw nga Makagagahom.

For Complete List of Candidates Click: http://www.negor2010.com/?page_id=54

Hello Ug Usab

Sa atong pagbaktas niining dalan sa kinabuhi, usahay dili ta makabantay nga nitipas na diay ta ug nisohot sa kakugnan nga mao ang kalimot. Bisa'g asa na lang nahasiril-siril kining atong lapoy nga lawas; nagsalimuang nga nagbugtaw sa mga damgo; usahay moampo na sa pagdani sa mga butang sa kalibutan...

Apan may panumduman nga kanunay mokablit ug mobutad. Dili diay 'ta makabalibad ug ang kamingaw na ang moagda. Sama sa ambongang ulitawo nga miagda sa mapahiyomong dalaga aron sila mosayaw sa bayle sa pagsaulog. Sa walay pagukon-ukon, atong hinumduman ug tagamtamon ang kagahapon.

Wehehe, intro ra na, parts... pahinumdum ra nga sa Mayo 15, 2010 sa lapyahan sa Zamboanguita, mag reunion ta. Andam daan mo ha, especially mga taga-abroad. Suggest daan ug unsa'y mga potahe nga lutuon, unsa'y kolor sa bikini ang dad-on. Mora'g sinaw atong simod ani kay pista kaayo sa Zamboanguita. Magplano dagway ta ug overnite didto sa bisperas, noh?