Mao kini ang sugilanon kun nganong mamakak ang mga lalaki.
Karpintero si Jojo ug usa ka adlaw may giayo siya nga balay sa kilid sa dakong suba. Wala tuyoa nahulog ang iyang martilyo sa suba. Dili na niya mahuman ang iyang gitrabaho ug wala pa siya’y sweldo nga mauli sa ilaha. Nakahilak siya… Pero nitunga ang iyang guardian angel, "Tabangan tikaw, Jojo".. ug dayong lukso sa lawom nga suba.
Pagtunga sa guardian angel may dala na nga gold hammer, "Mao ba kini ang imong martilyo?"... "Dili," ang tubag ni Jojo. Ug mi-dive na pud ang anghel… pagtunga niini may dala na nga silver hammer. "Mao ba ni?”… “Dili gihapon." Mi-dive ug usab sa suba ang anghel; pagtunga niini may dala na nga ordinary hammer.
"Mao ba ni?"
“…Oo."
Napuno sa kalipay ang anghel: "Tungod kay honest man ka, gawas sa imong martilyo, imoha na sad kining gold ug kining silver hammer.”
Niagi ang pipila ka adlaw, naglakaw si Jojo sa may kilid sa suba uban ang iyang misis. Pastilan, dude, nahulog man si misis sa dakong suba ... Puwerteng hinilak ni Jojo... Apan nitunga ug usab si guardian angel, "Tabangan tikaw...” ug dayon dive sa suba ug pagtunga gikan sa ilalom kauban na si Marian Rivera, "Siya ba ang imong misis?"
Tubag ni Jojo: "Oo."
Haskang sukoa sa anghel: "Bakakon ka. Abi g'yud nako ug honest ka!”
Mirason si Jojo: "Sorry kaayo, angel ... ug miingon ko nga ‘Dili,' mo-dive na pud ka sa suba unya pagkawas nimo ikuyog na pud nimo si Anne Curtis, unya sa imong pangutana, motubag ko nga ‘Dili nako siya asawa.’ Mo-dive na pud ka ug usab ug ang tinuod na nako nga misis ang imo ikuyog. Ug tungod kay honest man ko ihatag nimo nako sila Marian Rivera ug Anne Curtis. Pastilan, pobre ra man ko, dili man ko kasarang ug tulo ka buok misis, mao nga ‘Oo’ na lang ang akong gitubag sa una pa lang nimong pagpangutana.
Moral of the story: Mao nga namakak ang mga lalaki for a good and noble reason.
